Hoffai Ymddiriedolaeth y Plwyf ffarwelio â Siân Connolly, ein Swyddog Caffael Bwyd, sy’n ein gadael er mwyn symud i ffwrdd i’r brifysgol ym mis Medi. Mae Siân wedi bod gydag Ymddiriedolaeth y Plwyf ers cychwyn y Prosiect GOFAL , gan wirfoddoli gyda ni i ddechrau cyn sicrhau ei swydd fel Swyddog Caffael Bwyd.

Swyddogaeth Siân fu cydlynu cyrchu bwyd ar gyfer Ymddiriedolaeth y Plwyf er mwyn i’r elusen allu rhedeg ei phrosiectau. Mae hi wedi helpu i gydlynu tîm o wirfoddolwyr tra’n cysylltu ag unigolion, busnesau lleol a rhai o frandiau cenedlaethol mwyaf adnabyddus y DU sydd wedi helpu Ymddiriedolaeth y Plwyf i ddosbarthu bwyd i’r rhai sydd mewn angen yn y gymuned.

Gan un cyflenwr yn unig, mae Siân a’i thîm o wirfoddolwyr wedi sicrhau 16,536 o brydau bwyd rhwng 23 Mawrth 2020 a dechrau Gorffennaf 2021, sy’n cyfateb i 6945.25 Kgs. Yn ogystal, mae’r bwyd hwn a fyddai fel arall wedi’i anfon i safleoedd tirlenwi wedi arbed 22042.40 Kgs o allyriadau CO2 i’r blaned.

Wrth siarad am ymadawiad Siân, dywedodd y Parch. Ddeon Aaron Roberts, Cadeirydd yr Ymddiriedolwyr:

Trist iawn yw gweld Siân yn gadael Ymddiriedolaeth y Plwyf am borfeydd newydd Ni allaf fynegi pa mor ddiolchgar ydw i am angerdd, gwaith caled a dyfalbarhad Siân. Mae hi wedi effeithio ar yr elusen mewn mwy o ffyrdd nag y bydd hi byth yn gwybod, ac ni fyddaf byth yn gallu sylweddoli’n llawn. Mae ein dyled yn fawr iddi. Ar ran Bwrdd yr Ymddiriedolwyr, y staff, a’r gwirfoddolwyr, dymunaf y gorau i Siân yn y bennod newydd hon o’i bywyd, a byddaf yn gweddïo drosti ac am bopeth sydd i ddod wrth iddi gychwyn ar ei thaith prifysgol.

Oherwydd cyfyngiadau ariannu, nid yw Ymddiriedolaeth y Plwyf mewn sefyllfa i recriwtio Swyddog Caffael Bwyd newydd ar hyn o bryd. Felly, mae rôl Siân bellach yn cael ei hamsugno gan y staff presennol hyd nes y bydd cyllid ar gael eto.

Yn y cyfamser, mae Ymddiriedolaeth y Plwyf yn parhau i dderbyn nifer sylweddol o geisiadau am gymorth, ac mae ein Hyb Bwyd mor brysur ag erioed, gydag effeithiau economaidd a chymdeithasol y pandemig COVID-19 yn dechrau dod i’r amlwg mewn ansicrwydd swyddi, diweithdra, a heriau iechyd meddwl. Mae arnom angen dirfawr am yr holl fwydydd amgylchynol, a rhoddion ariannol i barhau i gwrdd â’r galw yr ydym yn ei dderbyn. Os ydych mewn sefyllfa i roi arian i ni, gallwch wneud hynny ar-lein. Gellir dod â rhoddion Bwyd Amgylchynol / Sych i Ymddiriedolaeth y Plwyf yn ystod oriau swyddfa (Llun-Gwener, 9am-5pm) Nid ydym yn derbyn rhoddion bwyd oer neu wedi’u rhewi gan y Cyhoedd Cyffredinol.

Os oes angen cymorth arnoch gyda darparu bwyd ac eitemau hanfodol nad ydynt yn fwyd, mae croeso i chi ofyn am help gennym ni , ac os oes angen cymorth tymor canolig i hirdymor arnoch, rydym yn gweithio gyda dros 50 o bartneriaid a fydd yn hapus i’ch cyfeirio at gymorth parhaus. oddi wrth Ymddiriedolaeth y Plwyf.

Of further interest...

June 27,2022

Dyfodol Bws Gwennol Ysbyty dan Fygythiad

Mae Dyfodol Bws Gwennol Ymddiriedolaeth y Plwyf dan fygythiad

June 23,2022

Haf o Hwyl i Blant a Phobl Ifanc i’w gynnal yn Ymddiriedolaeth y Plwyf

Wrth i Gymru barhau i wella ar ôl effaith

Derbyn y newyddion diweddaraf

Tanysgrifiwch i'n Cylchlythyr!

Rhowch eich gwybodaeth isod i gael y wybodaeth ddiweddaraf…

Which website are you trying to visit?