Mae’n bleser gan Ymddiriedolaeth y Plwyf gyhoeddi ei bod wedi derbyn grant o £20,000 gan WCVA , a ariennir gan Lywodraeth Cymru ar gyfer gwella gwirfoddoli yng Nghymru.
Mae’r grant hwn yn mynd i helpu Ymddiriedolaeth y Plwyf i sefydlu prosiect newydd o’r enw CAM, sy’n sefyll am Fentora â Chymorth Cymunedol. Cynlluniwyd y prosiect hwn i ddatblygu sgiliau a phrofiad aelodau’r gymuned, tra hefyd yn gwella sgiliau’r gwirfoddolwyr sy’n arwain y grwpiau.
Rydym yn gyffrous iawn i gael CAM ar waith. Byddwn yn diweddaru ein cyfryngau cymdeithasol wrth i ni ddechrau rhoi pethau ar waith. I roi gwell syniad i chi i gyd o’r hyn y byddwn yn ei wneud fel rhan o CAM, dyma grynodeb…
- Dosbarthiadau Gwella CV
- Boreau Coffi Datblygu’r Gymraeg
- Cyfeillio
- Cyfleoedd Lleoliad Gwaith yng Nghaffi Caredig
- Gwersi Technoleg a Llythrennedd Digidol
Teimlwn y bydd y dosbarthiadau a’r grwpiau hyn wir yn helpu’r gymuned i ddatblygu eu sgiliau a dysgu pethau newydd a fydd yn eu helpu mewn bywyd.
Rydym yn awyddus i gynnwys gwirfoddolwyr sy’n awyddus i helpu’r gymuned wyneb yn wyneb. Hoffech chi gymryd rhan gyda CAM fel gwirfoddolwr? Gallwch gofrestru yma .
Mae Ymddiriedolaeth y Plwyf yn hynod ddiolchgar i’r rhoddwyr grantiau a wnaeth hyn yn bosibl. Ni allwn aros i roi’r wybodaeth ddiweddaraf i chi i gyd ar sut y bydd y prosiect hwn yn datblygu yn y dyfodol agos! Gwyliwch y gofod hwn!
